Монголын үндэсний олимпийн хороо, Монголын үндэсний олимпийн аkадеми, Биеийн тамир, спортын газар хамтран зохион байгуулж буй "Биеийн тамир, Спорт-Хамтын ажиллагаа" сэдэвт олон улсын форум МҮОХ-ны хурлын танхимд амжилттай эхэллээ. 11-р сарын 06~07-ны өдрүүдэд зохион байгуулагдах уг форумд ОХУ-ын Буриад, Эрхүү, БНХАУ-ын ӨМӨЗО-ны аймгуудын ба Хөх хотын биеийн тамир, спортын байгууллага, биеийн тамирын дээд, дунд сургуулиудын удирдлага, ажилтан, багш, дасгалжуулагчид, Монгол улсын биеийн тамир, спортын төрийн захиргааны байгууллагууд ( Аймаг,дүүрэг, цэрэг, хүчний байгууллагууд ), МҮОХ, спортын холбоод ба төрийн бус байгууллагууд, Их, дээд сургуулиуд ба Биеийн тамирын дээд сургуулиуд, Төрөлжсөн сургалттай Биеийн тамир, спортын дунд сургуулиудын удирдах ажилтан, багш, дасгалжуулагч, эрдэмтэн судлаачид, ахмад зүтгэлтэн, төлөөлөгчид оролцож байна.
