Орчин цагийн зэвсэгт хүчин үүсэн байгуулагдсаны 97 жилийн ой, Монгол цэргийн баяр угтсан "Миний цэрэг” сэдэвт богино бичлэгийн уралдааныг зэвсэгт хүчинд алба хааж буй албан хаагч, байлдагчдын ар гэрийнхний дунд зарлаж байна. Уралдааны зорилго нь иргэн цэргийн харилцааг бэхжүүлэх, залуучуудын эх оронч үзэл, хүмүүжил, төлөвшлийн орчныг бүрдүүлэх, цэргийн амьдралаас олж авсан эрдэм мэдлэг, хүмүүжил, боловсрол нь тухайн хүнд болон гэр бүлийнхэнд нь хэрхэн эергээр нөлөөлсөн, өөрчилсөн зэрэг сургамжтай, гэгээлэг, бахархалтай түүхүүдийг хуваалцахад оршино. Уралдаанд цэргийн байгууллагатай холбоо хамааралтай хүмүүсийн аав ээж, хань ижил, үр хүүхдүүд оролцоно.
Уралдаанд тавигдах шаардлага:
- Үгийн тоо: 200-300
- Эссэний сэдэв агуулга тохирсон байх
- Найруулгын алдаагүй, зөв бичих дүрмийн алдаагүй байх
- Зөвхөн өөрт тохиолдсон, өөрт холбоотой түүхийг хүүрнэх
- Бичлэгтэй холбоотой зураг байж болно
- Сонирхолтой байх
- А4 цаасан дээр бичлэгийн стандартад нийцүүлэн бичсэн байх
Бичлэгийг хүлээн авах хугацаа:
Богино бичлэгийн уралдааныг 2018 оны 3 дугаар сарын 6-16-ны өдрийг хүртэл хүлээн авна. Уралдаанд илгээх бичлэгийг miniitsereg@gmail.com цахим хаягаар илгээнэ. Богино бичлэгийн дор ОВОГ НЭР, ГЭРИЙН ХАЯГ, УТАСНЫ ДУГААР зэргийг заавал бичсэн байх шаардлагатай.
Уралдааныг дүгнэх:
Уралдаанд ирүүлсэн бүтээлүүдийг мэргэжлийн хүмүүсээс бүрдсэн баг шалгаруулан доорх байруудыг эзлүүлэн, шагнал олгоно:
1 -р байр НЭГ бүтээл
2-р байр НЭГ бүтээл
3-р байр НЭГ бүтээл
Богино бичлэгийн уралдаанд шалгарсан бүтээлийн эздийг Цэргийн баярын ТВ-ын тусгай дугаарт богино бичлэгийн баатартай хамт урьж, шагналыг гардуулна.
Уралдаанд ирүүлсэн бүтээлүүдийг Фейсбүүк зэрэг олон нийтийн сүлжээгээр нийтэлнэ.
БАТЛАН ХАМГААЛАХ ЯАМНЫ ОЛОН НИЙТТЭЙ ХАРИЛЦАХ ХЭЛТЭС
