ЭМЯ-наас өнөөдөр өдөр мэдээлэл хийж, Австралид очсон монгол иргэнээс шинэ төрлийн коронавирус илэрсэн гэж мэдэгдсэн билээ. Тэгвэл дөнгөж сая мэдээлэл хийж, буруу ташаа мэдээ байсан талаар мэдэгдлээ.
ЭМЯ-ны Төрийн захиргаа удирдлагын газрын дарга Б.Цогтбаатар "12:28 минутад Австралийн талаас ХӨСҮТ-д мэдээлэл ирүүлсэн. Өмнө нь өгсөн мэдээллийг сонссон бол та бүхэн мэдэж байгаа байх. Монгол Улсын иргэн М энэ сарын 19-ны өдөр Хятадын Гуанжу хотоор дамжиж, Австралийн Мельбурн хотод очсон. Улмаар 25-ны өдөр түүнээс коронавирус илэрсэн гэсэн мэдээлэл өгсөн.
Тэгвэл 14:40 цагт Австралийн Эрүүл мэндийн газартай холбогдож, мэдээллийг нягталлаа. Тэгэхэд энэ хүн шинэ коронавирусын халдвар аваагүй. Харин халдвартай хүнтэй хамт нэг онгоцонд сууж зорчиж явсан гэдэг мэдээллийг өглөө. Мөн и-мэйлээр мэдээллийг баталгаажуулж, явуулсан. Бид олон талаас нь мэдээлэл авч, энэхүү мэдээллийг ташаа гэдгийг тогтоолоо.
Энэ хүн 19-нд Гуанжугаар дамжижи Австралид очоод, 25-ны өдөр буцаж, Хонгконгоор дамжиж буцаад эх орондоо ирсэн байна. Бид энэ хүнтэй холбогдож, хавьталт тодруулах ажлыг эхлүүлсэн байгаа" хэмээлээ.