Чанаргүй зээлийн асуудлыг шийдвэрлэхэд 100 сая доллар зарцуулна

Валютын сангийн хөтөлбөр хэрэгжих гурван жилийн хугацаанд Азийн хөгжлийн банкнаас /АХБ/ 900.0 гаруй сая ам.долларын санхүүжилтийг үе шаттайгаар Монгол Улс авна. АХБ-ны Захирлуудын зөвлөл энэ жил олгох санхүүжилтийн хэмжээг 250 сая ам.доллараар баталсан бөгөөд хоёр бодлогын зээллэг олгохоор боллоо. Харин 2018 онд агаарын бохирдлыг бууруулах, төсвийн алдагдлыг нөхөх зорилгоор 300 орчим сая ам.долларын бодлогын зээллэг авна.

2017 онд хэрэгжүүлэх бодлогын хоёр зээллэг нь:

  • "Нийгмийн халамжийг дэмжих хөтөлбөр-2”-ийг төсвийн алдагдлыг нөхөх, эдийн засгийн хүндрэлийн үед нийгмийн эмзэг бүлэгт үзүүлэх сөрөг нөлөөллийг бууруулах, нийгмийн халамжийн хөтөлбөрийг зорилтот бүлэгт чиглүүлэх хэлбэрээр нийт санхүүжилтийн талаас илүү хувийг зарцуулахаар болсон байна.
  • АХБ-наас 2017 онд олгож байгаа бодлогын зээллэгийн 100.0 сая ам.долларыг санхүүгийн салбарын тогтвортой байдлыг хангахад банкны системийн чанаргүй зээлийн хэмжээг шийдвэрлэх, санхүүгийн салбарт гарч буй хүндрэлүүд дахин давтагдахаас урьдчилан сэргийлэх, санхүүгийн тогтвортой байдлыг бэхжүүлэх, хяналт тавих механизмыг сайжруулахад чиглэсэн бодлогын зээллэг юм байна.
Өнгөрсөн дөрөвдүгээр сарын эцсийн байдлаар банкны салбар дахь чанаргүй зээлийн хэмжээ 1.083 тэрбум төгрөгт хүрсэн бөгөөд нийт зээлийн өрийн үлдэгдлийн 8.6 хувийг эзэлж байгаа юм. Монголбанк банкны салбарын чанаргүй зээлийн асуудлыг шийдэхээр Азийн хөгжлийн банктай хамтран "Активын удирдлагын компани” байгуулах тухай хуулийн төслийг боловсруулж дууссан байна. Уг компани нь арилжааны банкууд дээр байгаа чанаргүй зээлийг хямдруулж худалдан авах замаар банкуудын санхүүгийн байдлыг сайжруулах зорилготой юм. 
Удахгүй хууль эрх зүйн орчин нээгдэж, банкуудын чанаргүй зээлийг цэгцлэх ажил эхлэх аж. Түүнчлэн, валютын сангийн хөтөлбөрийн хүрээнд энэ жилдээ багтаж банкуудад Активын чанарын үнэлгээ хийнэ. Ингэснээр зах зээлд өөрийн хөрөнгийнхангалттай хүрэлцээтэй, хамгийн найдвартай банкууд үйл ажиллагаагаа явуулах боломжтой болно гэж Валютын сангийн шинжээчид үзэж буй.

С.Уул

ЭХ СУРВАЛЖ:WWW.ERINNEWS.MN

Сэтгэгдэл:

Сэтгэгдэл нэмэх
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *