120 орны гоо бүсгүй өрсөлдсөн Дэлхийн мисс-2016 тэмцээний шилдэг 11 миссийн нэгээр шалгарсан А.Баярцэцэг нэрт жүжигчин, кино найруулагч Стивен Сигалын бүтээлд томоохон дүр бүтээхийр болсон байна.
Тэрбээр өөрийн цахим хуудсаараа " Нэг хаалга хаагдахад нөгөө хаалга нээгдэж байдаг гэдэг. Дэлхийн миссийн тэмцээнд орсноороо энэ сайхан хүмүүстэй танилцах боломж олдсон билээ. Өнгөрсөн 2-р сард Тайланд улсад болсон киноны шалгаруулалтын хариу маань иржээ. Ирэх жил дэлгэцнээ гарах ”Attrition” киноны томоохон туслах дүр болох Kyra-н дүрд тоглохоор боллоо. хэмээжээ.
А.Баярцэцэгийн хувьд энэ нь том хэмжээний кинонд тоглох анхны тохиолдол биш юм. Өмнө нь "Марко Поло"-д тоглож, багагүй туршлага хуримтлуулсан байдаг.
Дашрамд ”Attrition”" киноны зураг авалт энэ оны 7-р сард Тайланд улсад эхлэх аж.
Д.Тамир