Монголын урчуудын эвлэлийн “Дүрслэх урлаг” сэтгүүл энэ жилээс улирал тутам хэвлэгдэн уншигч олонд хүрэх гэж байна. Ингэж сэтгүүлээ тодорхой давтамжтайгаар гаргах гэж байгаа тул урлаг судлаачдыг судлал шинжлэлийн нийтлэлээ ирүүлэхийг урьсан байна.
“Дүрслэх урлаг” сэтгүүл нь зөвхөн урлаг судлаачдын хувьд ч биш, зураач урчуудын хувьд ч нээлттэй аж. Тодруулбал, “Зураач та бүхнийг ховор сонин дурсамж, зураач, уран бүтээлчдийн тухай хууч яриа, нандин сайхан түүх, дурсамжаа бичиж ирүүлэхийг хүсэж байна” гэж Урчуудын эвлэлээс гаргасан урилгад тэмдэглэжээ.
Эх сурвалж: ubsonin.mn
