Нийслэлийн Боловсролын газрын 2013 оны А/27 тоот тушаалаар “Музейн-хамтын хичээл”-ийн сургалтын хөтөлбөрийн хүрээнд Нийслэлийн боловсролын газар, Их засаг лицей сургууль, Монголын Театрын музей хамтран Нийслэлийн 4 дүүргийн 11 сургуулийн 17 багш, 30 сурагчид музейн бодит үзмэр, эх сурвалж дээр тулгуурлан хөгжмийн хичээлийн агуулгыг суралцагчдын нас сэтгэхүйн онцлогт тохируулан, хөгжмийн хичээлийн бүлэг сэдвийн дагуу “Урлагийн төрлүүд” музейн интеграци хичээлийг 5 өртөөгөөгөөр аялуулан зохион байгууллаа.
Энэхүү арга хэмжээнд Нийслэлийн боловсролын газрын мэргэжилтэн Т.Олоннэмэх, Т.Майнбаяр, Их засаг лицей сургуулийн захирал О.Алтантуяа нар оролцож багш, сурагчдад батламж гардууллаа.
“Урлагийн төрлүүд” музейн интеграци хичээлд хамрагдсан сурагчид музейн үзмэрийг бодитоор харах, төсөөлөн бодох, дүрслэн илэрхийлэх мэдээ мэдээллийг бүтээлчээр боловсруулах, танин мэдэх, илтгэн ярих чадварыг хөгжүүлэх ажлын хуудас дээр ажиллан багш нартайгаа өөрийн санаа бодлоо хуваалцсан бүтээлч арга хэмжээ боллоо гэж 2025 оны гуравдугаар сарын 19-нд Монголын театрын музейгээс мэдээллээ.
