Өвөлжилтийг нөхцөл байдал хүндэрч байгаатай холбогдуулан Монгол Улсын Засгийн газрын тогтоолоор Улсын нөөц өвс, тэжээлийг малчдад үнэгүй олгох шийдвэрийн дагуу Улсын нөөцийн салбараас малчдад үнэгүй өвс, тэжээл олгож байна.
Монгол Улсын Их Хурлын гишүүн Б.Дэлгэрсайхан улсын нөөцийн салбар дээр газар дээр нь ажиллаж, нөхцөл байдалтай танилцлаа. Аймгийн хэмжээнд 198 тонн өвс, 100 тонн тэжээл хуваарьлагдаж байна.
Монгол Улсын Засгийн газраас Говьсүмбэр аймгийн онцгой комиссд 50 тонн шатахууны дэмжлэг, Батлан хамгаалах яамнаас Говьсүмбэр аймгийн онцгой байдлын газарт туулах чадвар сайтай Урал-375 автомашиныг хүлээлгэн өглөө.
