Олон улсын Ахмадын өдөр, Монголын Ахмадын өдрийг тохиолдуулан Гэр бүл, хөдөлмөр, нийгмийн хамгааллын яам уламжлал ёсоор ахмадуудаа хүлээн авч, хүндэтгэл үзүүллээ.
Гэр бүл, хөдөлмөр, нийгмийн хамгааллын яамны Төрийн нарийн бичгийн дарга А.Даваажаргал, Гэр бүлийн бодлогын газрын дарга Д.Мөнгөнтуул нар салбарын бодлого, үйл ажиллагааг танилцуулж, залуу нас, мэдлэг, боловсрол, хүч хөдөлмөрөө хүн амын сайн сайхны төлөө зориулсан ахмад буурлуудынхаа үг сургаалыг сонсож, энэ онд Төрийн дээд одон медаль хүртсэн ахмад болон, 80 насыг зооглож буй ахмад настандаа баяр хүргэлээ.
Энэ жилийн Олон Улсын Ахмадын өдрөөр ахмадууддаа эрүүл агаарт, идэвхтэй дасгал хөдөлгөөн хийж, халуун дотно яриа өрнүүлэн нэг өдрийг хамтдаа өнгөрүүлэх боломж бүрдүүлсэн юм.
Хүндэтгэлийн арга хэмжээг зохион байгуулахад дэмжсэн Олон Улсын Хүүхдийн Найрамдал Цогцолборын хамт олонд талархал илэрхийлье.
