Монголын үндэсний олимпийн хороо, Эмнэлэг, эрдэм шинжилгээний комисс болон Допингийн эсрэг үндэсний төвөөс хамтран Спорт холбоодын үйл ажиллагааг дэмжих зорилгоор "Sports Education - Mongolia" сэдэвт цуврал сургалтыг 7 хоног тутамд зохион байгуулж байгаа билээ.
Өнөөдөр Монголын үндэсний олимпийн хорооны хурлын танхимд сургалтын 2 дахь дугаар амжилттай зохион байгуулагдлаа. Тус сургалтад Монголын хүндийн өргөлтийн холбооны удирдлага, албаны хүмүүс, тамирчид болон дасгалжуулагчид хамрагдав.
"Sports Education#2" нь Допингийн хор хөнөөл, "Жакарта-2018" Азийн наадмын мэдээлэл сэдвийн дор явагдсан бөгөөд мөн Монголын олон улсын ба үндэсний спортын арбитрын Ажлын албаны дарга Ч.Дарьсүрэн хүрэлцэн ирж оролцогсдод спортын маргааныг хэрхэн шийдвэрлэх тухай сургалтыг удирдан явуулав.