Нийгмийн эрүүл мэндийн үндэсний төвийн Орчны эрүүл мэнд, нөлөөллийн үнэлгээний албатай хамтран ажиллаж буй байгаль орчны инженер, нийгмийн эрүүл мэндийн зөвлөх, доктор Ана Мария Хаган 2023 оны 3 дугаар сарын 26-ны өдөр "Усны чанарын хяналт ба анхаарах зүйлс” сэдвээр тус төвийн ажилтан, мэргэжилтнүүдийн мэдлэг, чадавхийг дээшлүүлэх сургалт зохион байгуулав.

Сургалтаар ундны ус түгээх систем, усны нөөцийн хяналт, усны дижитал менежментийн усны нөөц, ДЭМБ-ын усны аюулгүй байдлын шинэчлэгдсэн төлөвлөгөө, усны чанарын хяналтын мэдээллийн сангийн талаар эрдэм шинжилгээ, судалгааны ажлууд, туршлагуудын талаар шинэлэг мэдээлэл өглөө. Сургалтад нийт 35 ажилтан хамрагдсан байна.