Нийслэлийн эрх зүйн байдлын тухай хууль 1994 онд анх батлагдсан. Монгол Улсын нийт хүн амын 46 хувь нь байнга оршин сууж, үндэсний нийт бүтээгдэхүүний 64,5 хувийг үйлдвэрлэж, улсын хэмжээнд бүртгэлтэй аж ахуйн нэгжүүдийн 68 хувь нь төвлөрсөн нийслэл хотын хөгжлийн үзэл баримтлалыг шинээр тодорхойлох, түүнд нийцүүлэн, эрх зүйн шинэ орчин бүрдүүлэх шаардлага тулгарч байгаа юм. Энэхүү хэрэгцээ, шаардлагыг харгалзан, хотын дарга С.Батболд өнгөрсөн хугацаанд уг хуулийн шинэчилсэн найруулгын төслийг санаачлан боловсруулжээ. Уг хуулийн төслийг илүү чамбайруулж, иргэдийн санал хүсэлтийг тусган, амьдралд хэрэгжих сайн хууль болгох зорилгоор Нийслэлийн Засаг даргын Тамгын газрын Хууль эрх зүйн хэлтсээс иргэдийн дунд нээлттэй хэлэлцүүлэг зохион байгуулсан байна.