Үндэсний их баяр наадмыг зохион байгуулах хорооноос хэвлэлийн бага хурал зохион байгуулж, сэтгүүлчдийн асуултад хариуллаа.

Төв цэнгэлдэх, Хүй долоон худагт үйлчилгээ эрхлэх зөвшөөрлийг зөвхөн аж ахуй нэгжүүдэд өгнө. Нийслэлийн захирагчийн ажлын албаны хүнс үйлдвэр үйлчилгээний хэлтэс үүнийг хариуцаж байна. Энэ бол хүнсний аюулгүй байдалтай холбоотой асуудал.

Бие засах газрыг Төв цэнгэлдэх, Хүй долоон худагт шинээр нэмж байна. Тохижилтын бэлтгэл ажил төлөвлөгөөний дагуу явж байна. Төв цэнгэлдэхийн гаднах зам талбайг засч, ногоон байгууламжийг нэмэгдүүлсэн. Мөн дотор нь засвар хийх шаардлагатай. 8-9 жил болсон сандлуудыг энэ жил сольж байна гэж ҮИБНЗБХ-ны Ажлын албаны дарга И.Баатархүү ярилаа.