Хөгжлийн бэрхшээлтэй хүний хөгжлийн ерөнхий газар нь "Мөнххада” ХХК болон "Аутизмд хийсэн аялал” ТББ-тай хамтран хөгжлийн бэрхшээлтэй хүүхдүүдэд танин мэдэхүйд нь мэдлэг нэмсэн амралтын нэг өдрийг хөгжилтэй дурсамжтай өнгөрөөх зорилгоор 10 дугаар сарын 28-ны өдөр өдөрлөг зохион байгууллаа. Өдөрлөгөөр хүүхдүүдэд "Мөнххада” ХХК-ийн талаар танилцуулга хийж, үзэсгэлэнгийн танхимд буй машинд сууж үзэх, машины засвар үйлчилгээ, өнгөлгөөг хэрхэн хийдэг, өнгө хэрхэн гаргаж авдаг талаар өөрсдийг нь оролцуулан сонирхолтой хэлбэрээр мэдээлэл хийж мөн гарын бэлэг гардууллаа. Уг үйл ажиллагааг хоёр дахь жилдээ зохион байгуулж байгаа бөгөөд энэ жил 15 аутизмтай хүүхэд тэдний эцэг эх, багш нар нийт 40 гаруй хүн оролцсон арга хэмжээ болж өндөрлөлөө.